இயலாமை

எல்லா விருந்துக்கும்
எங்கு போனாலும்
ஒற்றைப் பட்டுப்புடவையையே
சுற்றி அணிந்து
பற்றாக்குறை நேரங்களில்
பற்று வரவைச்சரிசெய்ய
ஒற்றைச்சங்கிலியும் அடகுக்குப்போக
உதட்டில் புன்னகை
உள்ளுக்குள் உதறல்
பித்தளைச்சங்கிலி காட்டிக் கொடுக்குமோ?
உறவுகள், நட்புகளின் உரையாடல், கேளிக்கை
உடனிருக்க முடியாது
வீடு திரும்பும் என் இயலாமை
மூர்க்க கோபமாய் முகம் மாற்றும்
அன்பைக் பொழியும் என் கணவன் மீது.