சிலப்பதிகார
சிலம்புகள்
ஒலித்துக்கொண்டே இருக்கிறது
ஒவ்வொரு வீடுகளிலும் இன்னும்
காலங்கள் கடந்தும்
கோலங்கள் மாறியும்....
கண்ணகிகள்
தங்களின் கனவுகள் கொலையுண்டதற்காய்
கோவலன்களிடமே நீதி கேட்டு
சிலம்புகளை சிதறடிக்கிறார்கள்.
கோவலன்களோ
கண்ணகியின் கற்பையும்
மாதவியின் கற்பையும்
பழைய காகிதம் எடை போடும் உணர்வுடன்
தராசில் நிறுத்தி
விவாதங்களைத்தொடர்கிறார்கள் காலகாலமாய்
மாற்றம் என்பது உலக நியதி
ஆனாலும்
மாறாத நியதிகளை
மாற்ற முயலும் மணிமேகலைகள்
அட்சய பாத்திரங்களை இழந்து
அவமதிப்புகளை சுமந்து.....
திங்கள், ஜனவரி 18, 2010
இதற்கு குழுசேர்:
கருத்துரைகளை இடு (Atom)
1 கருத்துகள்:
என்னமோ வலி தெரியிது.. வார்த்தைகள் எளிமையாய் இருந்தாலும், காரம்.
:)
கருத்துரையிடுக